Bekkjarkvöld með Spilavinum í meira en 15 ár

Bekkjarkvöld Spilavina eru gríðarlega vinsæl, og hafa vaxið ár frá ári. Starfsfólk Spilavina er með mikla reynslu í að kenna á bekkjarkvöldum hjá öllum aldursstigum grunnskólans. Á bekkjarkvöldum kemur starfsfólk okkar með allskyns spil sem eru sérstaklega valin og henta fyrir hvern hóp.

Spilavinir byggja bekkjarkvöldin á hugmyndinni um fjölskyldustund og spilakvöldin snúast um samverustundir með fjölskyldu og vinum. Því er gert ráð fyrir þátttöku foreldra eða forráðamanna á spilakvöldunum og miðað við að það sé að minnsta kosti eitt foreldri með í hverju spili. Systkin eru velkomin með á bekkjarkvöld.

Hvernig ganga bekkjarkvöldin fyrir sig?

Við mætum í skólann til ykkar og erum með allt frá rólegum kænskuspilum til ærslafullra keppnisspila. Spilað er í klukkutíma þannig að allir ná að prófa tvö til fjögur spil um kvöldið. Spilavinir hjálpa til við að byrja hvert spil með því að kenna reglurnar og eru alltaf til taks til að aðstoða við spilin.

Algengt að foreldrar sjái um veitingar sem byrja um hálftíma áður. Þá þarf að gera ráð fyrir að hafa nokkur tóm borð svo hægt sé að stilla upp spilum og gera klárt á meðan þið klárið að borða. Borðhaldi þarf að vera lokið til að hægt sé að byrja að spila.

Það eru fleiri en 39 mörg börn í bekknum mínum

Við miðum við bekk sem er ekki með fleiri en 39 börn í einu lagi. Algengt er að skipta stórum bekkjum í tvo eða fleiri hópa til að ná betri samveru. Einnig þarf að hafa í huga að rýmið sem þarf fyrir stærri hóp er sjaldnast í boði (munið að gera líka ráð fyrir foreldrum og systkinum). Að lokum er erfiðara fyrir okkur að ná saman starfsfólki í svona stóran viðburð.

Bekkjarkvöld utan höfuðborgarsvæðisins

Að sjálfsögðu erum við til í að hitta skemmtilegt fólk hvar sem það er búsett á landinu. Þau kvöld eru eins, nema við þurfum náttúrulega að komast á staðinn. Verð á þeim kvöldum þarf að semja sérstaklega um. Hafið samband með tölvupósti til að stilla upp skemmtilegu bekkjarkvöldi utan höfuðborgarsvæðisins.