20% afsláttur af öllum (nema fjórum) púsluspilum
Allan febrúarmánuð verður 20% afsláttur af öllum púsluspilunum okkar (nema risapúslunum fjórum), og þess vegna tilvalið að finna sér eitthvað til að dunda við í hretinu sem á okkur dynur í febrúar.
Um miðjan mánuðinn verður svo haldinn skiptimarkaður á púsluspilum í versluninni, og púsluspilakeppni þar sem lið keppast um að vera fyrst til að klára eins púsluspil.
Púslmarkaðurinn — 18. febrúar kl. 13-15
Hinn árlegi púslmarkaður í Spilavinum er fullkomið tækifæri til að skipta, selja og kaupa notuð púsl — jafnvel ný. Við opnum setjum upp borð fyrir púsluspilasölu í versluninni, og úr verður dásamlegur púslmarkaður.
Fyrirkomulagið
Viltu kaupa notuð púsl?
- Við mælum með að taka pening með þar sem ekki er líklegt að margir verði með posa.
Viltu selja púslin þín?
- Það kostar 1.000 kr. að bóka borð (greitt á staðnum). Hver og einn heldur utan um sína sölu, og er því klókt að hafa pening til að geta gefið til baka.
- Sendu okkur tölvupóst á spilavinir@spilavinir.is, eða skilaboð hér á Facebook, með góðum fyrirvara til að tryggja þér pláss.
- Fyrir ykkur sem ætlið að selja opnar húsið kl. 12:00 svo hægt sé að stilla upp.
Púsluspilakeppnin — 18. febrúar kl. 16
Þegar púslmarkaðinum lýkur ætlum við að halda púsluspilakeppni í fyrsta skipti! Keppt verður í liðum, og fær hvert lið eins púsluspil. Svo er talið í og þið keppist um að klára púsluspilið ykkar á undan hinum.
Svona tekur þú þátt
Í hverju liði þurfa að vera 2 manneskjur. Þátttaka er ókeypis, en til að taka þátt þarf að skrá liðið sitt með því að senda tölvupóst á spilavinir@spilavinir.is.
Liðið sem sigrar fær í verðlaun gjafabréf í Spilavinum upp á 10.000 kr.