Spilakaffi er borðspilakaffihús, hið fyrsta sinnar tegundar á Íslandi, stofnað sumarið 2020. Spilakaffi er staðsett inni í hinni vinsælu spilabúð Spilavinum, í bláu húsunum við Fákafen. Í Spilakaffi er hægt að setjast niður í notalegu umhverfi og njóta dagsins með vinum og fjölskyldu.
Boðið er upp á alla helstu kaffidrykkina, stórkostlegt úrval af tei frá Østerlandsk 1889 Copenhagen, laglegt úrval af bjór og óáfengum drykkjum í flöskum eða dósum, og auðvitað ískaldan bjór á krana (Happy Hour alla daga á milli kl. 17-19). Þar er hægt að fá sér eitthvað sætt með kaffinu, grillaðar samlokur, og panta mat frá Pure deli og Hananum.
Í kjallaranum undir Spilavinum er veglegur og stór spilasalur, eitt stærsta spilasafn landsins, og dásamlegt leiksvæði fyrir yngri börnin. Hægt er að kaupa aðgang fyrir eina heimsókn — eða árskort sem gefur þér aðgang að Kjallaranum í heilt ár (auk 15% afsláttar í Spilavinum og 20% afsláttar af veitingum í Spilakaffi).
Vinsamlegast athugið að ekki er í boði að leigja leiksvæðið eða spilasalinn undir barnaafmæli. Leikskólar, grunnskólar eða frístundaheimili sem vilja fá skemmtilega spilastund með krökkunum geta bókað heimsókn með því að senda tölvupóst á vidburdir@spilavinir.is.
Kjallarinn er opinn þegar Spilavinir eru opnir (mán.-lau. 11-22 og sun. 11-18). Við mælum með að elta Spilakaffi á Facebook, þar sem við birtum upplýsingar um viðburði, bjórlistann og fleira skemmtilegt.
Viðburðir
Bekkjarkvöld, PubQuiz, flóttaleikur, hópefli, fyrirtækjahittingur, gæsun eða steggjun, og margt fleira. Nánari upplýsingar um viðburðina okkar hér.
