Skemmtileg stund með starfsfólkinu

Spilakvöld er vinsæl skemmtun fyrir vinnustaði. Skemmtileg samvera er góð leið til að þjappa starfsfólkinu saman og draga fram það besta í öllum, og spil eru frábær leið til að búa til samveru.

Við erum vön að halda viðburði fyrir stóra og litla hópa á öllum aldri og stýrt þeim við góðan orðstír. Hvort sem þú vilt létta lund starfsmanna í litlum hóp, eða jafnvel bjóða fjölskyldum þeirra með. Spilakennarar halda uppi góðri stemmningu í 2 klst.

Þú getur bókað Spilastund í Spilavinum á afgreiðslutíma hér til hliðar.

Hvar sem er á höfuðborgarsvæðinu

Þið veljið staðinn, hvort sem er í fyrirtækinu eða annars staðar á höfuðborgarsvæðinu. Við komum til ykkar með helling af spilum sem henta fyrir hópinn.

Spilastund í Spilavinum

Spilavinir eru tilvalinn staður til að bjóða starfsfólkinu upp á skemmtilega kvöldstund í notalegu umhverfi. Hjá okkur er hægt að versla alls kyns snarl og drykki fyrir starfsfólkið.

Hægt er að leigja salinn í allt að 4 klst.

Fyrirtæki utan höfuðborgarsvæðisins

Að sjálfsögðu erum við til í að hitta skemmtilegt fólk hvar sem það er búsett á landinu. Þau kvöld eru eins, nema við þurfum náttúrulega að komast á staðinn. Verð á þeim kvöldum þarf að semja sérstaklega um. Hafið samband með tölvupósti til að stilla upp skemmtilegu spilakvöldi fyrir fyrirtæki utan höfuðborgarsvæðisins.