Verslun og vinátta sem spannar áratugi!
Verslunin Spilavinir var stofnuð í október 2007. Vinkonurnar sem stofnuðu Spilavini hafa spilað saman áratug lengur en það. Þær Linda Rós og Svanhildur hafa staðið vaktina frá fyrsta degi, fyrst í 70 fermetra búð á Langholtsvegi en nú á Suðurlandsbraut 48 (í bláu húsunum). Þar er nú boðið upp á miklu meira úrval af spilum, púsluspilum og þrautum, svo er boðið upp á ýmsa skemmtilega viðburði í húsinu, dásamlegt leiksvæði fyrir börn, auk þess að bjóða upp á helstu kaffidrykki, ótrúlegt úrval af Osterlandskt tei, og bjór á krana. Frábær verslun sem hlaut Best of the Game Trade verðlaunin árið 2015 fyrir bestu barnaspiladeildina á heimsvísu.
Spil og púsluspil fyrir alla fjölskylduna
Vöruúrvalið hefur aukist jafnt og þétt í gegnum árin. Spila- og púsltitlarnir skipta hundruðum en Spilavinir leitast við að kynna sér allt sem er í gangi hverju sinni og tryggja fjölbreytt vöruúrval. Barnaspiladeildin er enn veglegri en hún var 2015, og hillurnar í versluninni taka sífelldum breytingum til að koma nýjum spilum að.
Vefverslunin hefur vaxið ár frá ári, og er vöruúrvalið og þjónustan þar á pari við þjónustuna í versluninni. Spilavinir halda opinni línu til viðskiptavina með vefspjalli og tölvupósti, og upplýsingargjöf í gegnum póstlistann.
Góð þjónusta er grunnurinn að góðri skemmtun
Svona mikið úrval getur verið yfirþyrmandi þegar fólk er að reyna að velja sér spil fyrir skemmtilega samverustund með fjölskyldunni. Þess vegna er það markmið Spilavina að tryggja að hjálpa fólki að velja spil sem henta þeirra spilahóp, fjölda og fjölskyldugerð. Það er okkur ánægja að fara yfir mismunandi spil með viðskiptavinum og leiðbeina við val á næsta uppáhaldsspilinu.
Viðburðir í Spilavinum
Frá upphafi hafa verið haldin spilakvöld í Spilavinum. Ýmsar tilraunir hafa verið gerðar á uppsetningunni á þeim, allt frá opnu spilakvöldunum þar sem fólk kom, kynntist og spilaði alls kyns spil með kennara á svæðinu til að svara spurningum, til Borðspilavina þar sem hópar voru leiddir í gegnum heilt spil með sérstökum spilakennara. Aðrir viðburðir hafa síðan fest sig í sessi, eins og BarSvar (e. Pub Quiz) og Spunaspilavinir þar sem fólk tekur þátt í heilu spunaævintýri á einni kvöldstund. Að lokum verður að nefna bekkjarkvöldin vinsælu, sem haldin eru út um allan borg og allt að 250 börn og foreldrar þeirra spila saman í hverri viku. Hægt að fá Spilavini til að halda spilakvöld fyrir stærri hópa, fjölskyldur og fyrirtæki.
Fyrsta borðspilakaffihúsið á Íslandi
Sumarið 2020 opnuðu Spilavinir kaffihús í versluninni og nefndu það Spilakaffi. Það lá alltaf beint við að geta boðið gestum sem koma að spila eða njóta leiksvæðisins upp á veitingar og kaffidrykki. Í fjögur ár voru gerðar alls kyns tilraunir með reksturinn, þar til það þótti fullreynt og seglin voru dregin saman á nýjan leik. Hægt er að lesa meira um það í blogginu okkar.