Adventure Games: The Dungeon

Adventure Games frá Kosmos ganga allir út á að segja og upplifa vissa sögu. Þeim svipar til Exit spilanna, nema að þessi hafa marga mismunandi endapunkta svo hægt er að upplifa sömu söguna nokkrum sinnum en fá mismunandi enda eftir því hvaða ákvarðanir spilarar taka.

Í The Dungeon vakna spilarar í dýflissu á miðöldum og þurfa að sleppa út, sem verður erfitt því ekkert ykkar man hvað gerðist. Þið þurfið að rannsaka rýmið, nota hluti saman, finna vísbendingar og tala við fólk til að klára spilið. Smám saman getið þið búið til plan, á meðan sagan stækkar og bætir við nýjum leiðum.