Bananagrams er fljótlegt og skemmtilegt orðaspil sem þarf hvorki blað né skriffæri, og flísarnar eru geymdar í bananalöguðum poka! Hægt er að spila eitt spil á 5 mínútum!
Í Bananagrams ertu að reyna að leggja upp þína eigin „krossgátu“ hraðar en andstæðingarnir. Þegar þú klárar flísarnar þínar, þá takið þið öll nýja flís úr miðjunni. Markmiðið er að vera á undan hinum að leggja allar flísarnar sínar í „krossgátu“ þegar miðjan er búin.
Það eru afbrigði í boði eins og Banana Smoothie og Banana Cafe, og svo er líka hægt að spila einmenning.
VERÐLAUN OG VIÐURKENNINGAR
- 2013/Spring Parents’ Choice Gold Award – Sigurvegari
- 2012 Guldbrikken Best Family Game – Tilnefning
- 2010 Årets Spill Best Party Game – Tilnefning
Eidur S. –
Frábært og einfalt spil. Keppt um að mynda orð eins og maður sé að spila Skrafl (e. Scrabble) nema hver er að mynda orðin fyrir framan sig. Þegar þú klárar kubbana þína taka allir sér nýjan kubb, þegar allir kubbarnir eru búnir vinnur sá sem nær að nota alla sína til að mynda orð.
Þetta spilast því svolítið eins og Skrafl fyrir fólk sem hefur ekki þolinmæðina í það. Mæli mikið með.