Cardline: Dinosaurs er kortaspil, sem spilað er með um það bil 100 spila stokki, byggt á hinu verðlaunaða Cardline: Animals. Báðar hliðar spilanna sýna forsögulegt dýr, nafn þess á ensku og latínu, og hvort það var er rándýr eða grænmetisæta, á meðan á hina hliðina er aukalega skráð meðallengd og -þyngd dýrsins. Í hvert sinn sem þið spilið ákveðið þið fyrst upp á hvað þið ætlið að spila; hvort þið séuð að bera saman þyngd, greindarvísitölu eða bardagahæfni persónanna.
Ef þið kunnið Timeline, þá eruð þið enga stund að tileinka ykkur Cardline.
Til að stilla spilinu upp setur hvert ykkar ákveðinn fjölda spila fyrir framan sig, hvar öll spilin snúa með aukaupplýsingarnar niður. Eitt spil er sett á mitt borðið með aukaupplýsingarnar upp. Þið skiptist svo á að velja eitt af spilunum ykkar og velja því stað við hlið spilsins/spilanna á borðinu, og snúið svo spilinu við til að sjá hvort það er á réttum stað í röðinni. Ef spilinu var rétt spilað út, það er að segja að talan í flokknum sem þið völduð er í réttri töluröð miðað við spilin við hliðina. Þá fær spilið að vera þarna áfram. Annars er spilið fjarlægt og það ykkar sem átti spilið dregur sér nýtt spil.
Það ykkar sem fyrst losar sig við öll spilin sín sigrar. Ef fleiri en eitt ykkar klárið í sömu umferðinni, þá haldið þið áfram sem kláruðuð (hin detta úr leik) og spilið þar til aðeins eitt ykkar klárar í einni umferð.
Umsagnir
Engar umsagnir komnar