Skemmtilegt samvinnuspil sem fær ykkur til að kynnast enn betur.
Í hverri umferð í Fun Facts er spurning sett á mitt borðið. Til dæmis: Hve langur er hinn fullkomni lúr? (Nema á ensku, því spilið er á ensku.) Hvert ykkar skrifar svarið sitt á lituðu píluna sína (svarið er alltaf tala á bilinu 1-100).
Þegar þið hafið öll skrifað svarið ykkar, þá skiptist þið á að leggja píluna ykkar á borðið, fyrir ofan, neðan eða á milli pílanna sem þegar eru á borðinu (þið látið svarið ykkar snúa niður svo enginn sjái). Þið reynið að raða pílunni ykkar á réttan stað frá lágri tölu upp í háa: „ég veit að mamma elskar að leggja sig, svo hún hefur pottþétt skrifað hærri tölu en ég, svo ég set píluna mína fyrir neðan hennar“. Þegar þið hafið öll lagt píluna ykkar á borðið, þá má það ykkar sem lagði fyrstu píluna færa sína, en enga aðra.
Svo snúið þið pílunum við og takið út pílur sem eru ekki í réttri röð. Pílurnar sem eftir eru gefa hverju ykkar sem þær eiga eitt stig. Eftir átta umferðir skráið þið heildarstigin ykkar í kladdann sem fylgir. Hversu vel gekk ykkur?
VERÐLAUN OG VIÐURKENNINGAR
- 2023 Spiel des Jahres – Tilnefning
- 2022 Golden Geek Best Party Game – Tilnefning
- 2022 5 Seasons Best International Party&Coop – Tilnefning
Umsagnir
Engar umsagnir komnar