Hættuspil

Hættuspilið er ekki lengur framleitt, og því ófáanlegt.

Hættuspil kom út jólin 1998 og var hugarfóstur Þórólfs Beck og Reynis Harðarsonar. Spilið seldist í ríflega 11.000 eintökum og var eitt vinsælasta spil þjóðarinnar um árabil.

Spilið fjallar um lífshlaup ungs fólks frá fermingaraldri og fram á fullorðinsár. Takmarkið í spilinu er að ná sem mestum þroska í lífinu og forðast þær hættur sem kunna að leynast á leiðinni.

Þessi útgáfa er mjög lík upphaflegu útgáfunni, fyrir utan að við hana hefur verið bætt nýju gangverki sem hefur verið fengið að láni hjá hinu vinsæla Parters spili. Það er þannig að í stað þess að kasta teningi draga leikmenn 4 spil sem er svo öllum spilað út (einu í einu) áður en næstu 4 spil eru dregin. Þetta gefur færi á að nota meiri kænsku en með teningnum einum.

Hættuspil er byltingarkend nýjung í forvörnum á Íslandi. Þróun spilsins er styrkt af Reykjavíkurborg og Rauða Kross Íslands og er unnið í samvinnu við og undir leiðsögn forvarnardeildar SÁÁ. Einar Gylfi Jónsson sálfræðingur, einn virtasti fagaðili landsins á svið forvarnarmála, hefur haft yfirumsjón með forvarnarþáttum Spilsins.

Hugmyndin að baki Hættuspili er í fyrsta lagi sú að nálgast ungt fólk á þeirra eigin forsendum með spili sem er skemmtilegt og fjörug, en innhaldi jafnframt mjög skýr skilaboð varðandi skaðsemi fíkniefna. Með því að koma boðskaðanum í gegnum spilakerfið sjálft (á mjög skemmtilegan hátt) í stað þess að vera með beinan áróður eða boð og bönn eykur það líkurnar að unglingarnir sem spila spilið verði móttækilegri fyrir boðskapnum.

Í öðru lagi er fjölskylduspil frábær umræðuvettvangur þar sem öll fjölskyldan getur komið saman og rætt þau málefni sem koma fyrir í spilinu sem undir venjulegum kringumstæðum kynni að vera erfitt að koma orðum að.