Hetjuspilið

Hetjuspilið er af leikskólakennaranum Gunnari Kristni Þorgilssyni. Spilið hefur verið í þróun síðan 2017 og byggir á hlutverkaspilinu Dungeons and dragons. Spilið er fyrir 5 ára og eldri en krefst þátttöku fullorðinar manneskju, og er því flokkað með fjölskylduspilum. Helstu þroskaþættir sem spilið ýtir undir eru félags- og málþroski.

Hetjuspilið er hlutverkaspil þar sem leikmenn (börnin) velja sér sögupersónu/hetju til að vera fulltrúi sinn í söguheimi spilsins. Ævintýrin sem verða til í spilinu er nokkurs konar blanda af hlutverkaleik barna og félagsfærni sögum. Hlutverk kennarans er að vera sögumaður hlutverkaleiksins/ævintýrsins og halda utan um ramma hlutverkaleiksins.

Hægt er að nálgast lýsingar á helstu persónum spilsins hér: https://www.youtube.com/@Hetjuspilid