Skemmtilegasta leiðin til að spila uppáhaldsspilið þitt er að spila það á móti.
Carcassonne er eitt ástsælasta borðspil heims, er frábært fjölskylduspil, og Ísland hefur tekið þátt í heimsmeistaramótinu í rúm 20 ár!
Carcassonne er einfalt en djúpt og ferlega skemmtilegt að spila á mótum.
Íslandsmeistarinn vinnur sér keppnisrétt á heimsmeistaramótinu í Carcassonne sem haldið verður á stærstu spilasýningu í heimi í Essen, Þýskalandi, í október. Miði á Essen Spiel fylgir keppnisréttnum en ferða- og hótelkostnaður er ekki innifalinn.
Skráning á mótið fer fram hér og skráningargjaldið er 1.500 krónur
Ekkert aldurstakmark en allir þátttakendur þurfa að kunna spilið vel. Spilaðir verða 2ja manna leikir með grunnspilinu og farið er eftir heimsmeistarareglunum sem má finna hér.
Mótið er opið fyrir alla, en bara íslenskir ríkisborgarar eða erlendir ríkisborgarar búsettir á Íslandi geta orðið Íslandsmeistarar og keppt fyrir Ísland á heimsmeistaramótinu.
Umsagnir
Engar umsagnir komnar