Jungo

Jungo er spil þar sem þú vilt losna við spil af hendi, en gætir viljað taka sum aftur.

Stokkurinn er með 48 spil, með átta sortum frá 1-8, og ykkur eru gefin spil í hönd sem má ekki breyta. Það ykkar sem fyrst á leik setur út eitt eða fleiri spil sem eru með sömu tölunni á — en það má bara spila út fleiri en einu spili ef þau eru hlið við hlið á höndinni. Þegar þú spilar út á eitthvað í borði, þá þarftu að spila út jafn mörgum spilum með hærri tölu, eða fleiri spilum (dæmi: 2 < 5 < 3,3 < 6,6 < 2,2,2 < 1,1,1,1). Þegar þú sigrar borðið (enginn vill eða getur sett hærra) þá máttu velja um að taka spilin á hendi eða henda þeim.

Ef þú getur ekki eða vilt ekki spila út spili, þá verður þú að segja pass, og draga spil úr dráttarbunkanum. Sum spil hafa tvær tölur á sér (dæmi: 1/2 eða 5/6) og má spila sem annarri hvorri tölunni. Þú mátt annað hvort bæta þessum spilum á hendi þar sem þú vilt, henda spilinu, eða nýta þér Jungo-lögin — spila spilinu beint út með öðrum af hendi til að sigra það sem er á borðinu.

Ef allir nema þú segja pass, þá er allt tekið af borðinu, og það ykkar sem setti síðast út spil leiðir næstu umferð.

Það ykkar sem fyrst losar öll spilin af hendi sigrar! Einnig er hægt að spila nokkrar umferðir upp á að vera fyrst til að sigra tvær umferðir.