Litrík og skemmtileg minnisspil með fígúrum sem upplifa allskonar!
Spilin eru hugsuð til að skapa umræður um líðan og tilfinningar og til að skapa skemmtilegar gæðastundir. Spilin má nota á ýmsan hátt eftir aldri en eru í formi hefðbundins minnisspils þar sem markmið er að finna 2 eins.
- 16 pör, 32 spil
- Efla minni og fókus
- Efla sjálfsvitund
- Efla tilfinningaþroska
- Efla tjáningu um líðan og tilfinningar
Dæmi um notkun fyrir þau yngstu:
- Finna 2 eins án þess að snúa þeim við, eða finna andstæður td Reiður og Glaður. Heitt og kalt osfrv.
- Ræða hverja fígúru, hvernig líður henni og af mögulega af hverju?
Dæmi: “Hann er reiður því einhver tók bangsann hans” - Einfaldur minnisleikur með td 6-8 pörum.
Dæmi um notkun fyrir eldri börn
- Hefðbundinn minnisspil: Einn leikmaður: Ef einn einstaklingur spilar, þá snýr hann spilunum á hvolf og ruglar. Hann fær 5 tilraunir til að finna samstæðu, ef hann gerir það fær hann nýjar 5 tilraunir til að finna næstu og svo koll af kolli. Ef honum tekst ekki að finna 2 eins innan 5 tilrauna þarf hann að byrja upp á nýtt.
Tveir eða fleiri leikmenn: Snúa spilunum á hvolf og rugla þeim, hægt að raða á leikborðið. Skiptast á að snúa 2 við og reyna að finna 2 eins, Ef 2 eins koma upp, á sá sami að gera aftur, ef ekki, þá á næsti að gera. Safna eins mörgum pörum og hægt er. - Ræða hverja fígúrur, hvernig líður henni og af hverju?
- Spyrja barnið hvort það hafi upplifað þessa tilfinningu einhvetíma og í hvaða aðstæðum? Ef ekki, í hvaða aðstæðum væri líklegt að þessi tilfinning kæmi upp?
- Raða fígúrum og biðja barnið að velja þá fígúru sem á best við barnið þá stundina, þeas spyrja hvernig líður þér núna, eins og hver af þessum dýrum?
- Raða fígúrum ef nokkrir saman og velja fyrir hvort annað, hvernig sérðu mig í dag? Er ég þreytt, kalt eða kannski glöð eða spennt?
Umsagnir
Engar umsagnir komnar