Stórskemmtilegt spil sem laumulega kennir krökkum undirstöðuatriðin í einfaldri forritun, frá kóðun til aðgerða. Leikmenn færa skjaldbökurnar sínar í átt að demantinum með einföldum skipunum; Áfram, hægri og vinstri. Einn fullorðinn eða reyndur leikmaður tekur að sér hlutverk tölvu og framfylgir skipunum, en það er algjört grundvallaratriði að viðkomandi gefi frá sér fyndin hljóð þegar skjaldbökurnar eru færðar svo sem bíbb, búbb, babb eða hvað sem honum dettur í hug. Eftir því sem færni leikmanna eykst er hægt að bæta inn ýmsum hindrunum t.d. klakaturnum, sem hægt er að bræða, eða trékössum, sem hægt er að færa, en ef pödduspilið er lagt fram er síðasta skipun afturkölluð. Spilinu lýkur þegar allir leikmenn hafa náð í demant og allir vinna!
Virkilega skemmtilegt fjölskylduspil sem er jafnframt þroskandi og fræðandi (en ekki segja krökkunum það!).
- Spilið er byggt á Logo forritunarmálinu.
- Spilið var fjármagnað á Kickstarter og var það farsælasta borðspilið í sögu vefsíðunnar þegar það kom út.
Vefsíða Robot Turtles – Myndir til að lita, linkur á e-bók og fleira skemmtilegt.
Diskódís –
Topp spil fyrir leikskólabörn, á að giska 4-5 ára. Ég keypti það fyrir 8 ára son minn og það entist bara nokkrar mínútur, allt of einfalt. Ég gaf spilið á leikskóla.