Tvenna: Krakkar (e. Dobble: Kids) inniheldur yfir 30 myndir af hinum ýmsu dýrum sem dreifast á 30 spjöld (6 myndir á hverju spjaldi) og alltaf er einungis ein mynd sem er eins á hverjum tveimur spjöldum!
Hægt er að spila spilið á marga vegu og með því fylgja leiðbeiningar fyrir fimm gerðir örspila en markmiðið er alltaf það sama: er að vera fyrst/ur að finna táknið sem er eins á tveimur spjöldum. Táknin geta verið misstór og staðsett á ólíkum stöðum á spjöldunum sem gerir það erfitt fyrir vik að koma augu á þau. Hvert spjald er einstakt og hefur aðeins eitt tákn sem er sameiginlegt með öllum öðrum spjöldum í stokknum.
Hægt er að spila örspilin í fyrirfram ákveðinni röð, á handahófskenndan hátt, eða sama spilið er spilað aftur og aftur. Hraði, eftirtektarsemi, snerpa er aðalatriðið í öllum örspilunum en aðalatriðið er þó að allir skemmti sér!
Tvenna: Krakkar er í fyrirferðalitlu boxi út tini og því tilvalið ferðaspil sem lítið mál að taka það með sér hvert sem er! Íslenskar leikreglur fylgja.
Ef þú sérð tvöfalt skaltu ei hika heldur bregðast skjótt við!!
Ingibjörg Sólrún Ágústsdóttir –
Algjörlega frábært að vera með tvennu ætlað börnum.
Ég byrjaði að spila þetta spil við dóttur mína í kringum 3,5 ára og virkaði stórvel.
Frábært spil til að spila við börnin sín fyrir alla foreldra sem finnst gaman að spila tvennu.
María Konradsdottir –
Eitt mest spilaða spilið hjá 4 ára syninum. Ótrúlega einfaldar reglur, hvert spil tekur stuttan tíma og lítið fer fyrir boxinu. Tilvalið í ferðalagið!
Þórdís –
Þetta er algjört uppáhald í fjölskyldunni bæði fyrir fullorðna og börn. Hægt að spila a nokkra vegu svo maður er ekki alltaf að spila það sama.
Díana Björg Sveinbjörnsdóttir –
Tvenna er skemmtilegt spil sem hægt er að spila hvar sem er og tekur lítið pláss. Við fjölskyldan tökum þetta spil með í öll ferðalög og spilum þetta líka mikið heima. Þetta spil er í miklu uppáhaldi hjá yngstu dóttur minni sem er 5 ára