Zauberzwerg

Í Zauberzwerg (töfradvergurinn) eruð þið að keppa við nornirnar eins og í Zauberberg (Töfrafjallið), en í stað þess að fara niður fjallið eruð þið í kappi að námum töfradvergsins inni í skóginum.

Þið púslið saman leiðnni að námunni og dreifið spilunum á grúfu utan um stíginn. Fyrsti leikmaðurinn snýr við tveimur spilum, og velur annað þeirra til að hreyfa peð á borðinu. Næsti leikmaður bætir einu spili við það sem var eftir, og má velja á milli þeirra, og svo koll af kolli, þar til allir nemarnir eru komnir í námuna, eða ein norn.

Það er hægt að spila Zauberzwerg í nokkrum erfiðleikastigum, og svo er líka hægt að spila það sem sam-keppnis-spil, en Zauberzwerg er, eins og stóra Zauberberg, samvinnuspil.