Ertu einn af þeim sem þjáist af valkvíða í rommí um hvort áttan eigi heima í röð eða setti? Eða eru allir samsetningamöguleikarnir einmitt það sem þú dýrkar? Ef þú elskar það við spilið (eða hatar), þá getur þú fagnað (eða kviðið) því hlutirnir geta farið batnandi (eða versnandi)!!!
Five Crowns er fallegt og einfalt spil með spilastokkum fyrir alla fjölskylduna en það líkist einna helst rommí nema hvað að það eru tveir stokkar í spilinu með fimm sortum; hjarta, spaði, tígull, lauf og STJARNA, auk sex jókera. Þessi einstaki stokkur gefur því mun fleiri möguleika til að mynda raðir og sett. Áskorunin felst í að velja réttu samsetninguna, loka fyrstur spilinu og horfa á andstæðingana reyna að bjarga sér fyrir horn. Það tekur 11 umferðir að klára spilið, hver leikmaður fær 3 spil í fyrstu umferð (þá gilda þristarnir allt), fjögur þar á eftir (fjarkarnir gilda allt)… og þannig gengur það upp í 13 spil (þá eru kóngarnir allsráðandi).
Þar að auki er hægt að nota Five Crowns til að leggja kapal en leiðbeiningar fyrir Five Crowns kapal er að finna í leikreglunum.
Spilið er ekki búið fyrr en kóngarnir ráða ríkjum! Góða skemmtun!
Lillian (staðfestur eigandi) –
Mjög skemmtilegt kortaspil!
Erla Björk Helgadóttir –
Mjög skemmtilegt spil.
Lára –
Spil sem er tekið með í öll ferðalög. Einfalt og alltaf hægt að taka það upp, spil sem að er ekki lokið fyrr en í síðustu umferð , kemur oft skemmtilegt tvist í lokinn. Má í raun líkja þessu við rommí 🙂
Stefán Ingvar Vigfússon –
Mér finnst þetta spil ekkert sérstakt, það svipar til rommí en tekst að vera aðeins minna spennandi
Daníel Hilmarsson –
Skemmtilegt spil! Leikreglurnar minna á “Rummy” nema með auknu twisti. Það eru 5 slagir (í stað 4), leikurinn hefst með 3 spilum á hendi og þá eru þristar tromp. Svo bætist eitt spil í hverri umferð og er því miserfitt að “loka” eftir umferðum.
Þórunn Kristinsdóttir –
Virkilega skemmtilegt spil