Lizard Wizard

Astoria er land þar sem galdur flæðir og ráðabrugg er í hverju skúmaskoti. Nokkrir erki-galdramenn eru að reyna að öðlast tryggð galdramanna um allt landið til að öðlast hið endanlega vald.

Lizard Wizard er spil frá sama teyminu og gaf út Raccoon Tycoon. Ef þú þekkir það, þá munt þú kannast við leikbrigði í spilinu, og sjá í þessu meiri dýpt og möguleika til að beita klókindum.

Í Lizard Wizard keppast leikmenn um að fá til sín galdramenn úr töfraskólunum sjö, byggja dularfulla turna, rannsaka kraftmikla galdra, kalla fram hjálplegar verur, og leita í dimmum dýflissum að gulli og galdragripum. Aðeins einn erki-galdramaður mun ná á toppinn og ríkja yfir hinum. Verður það þú?