Resistance: Avalon Big Box

Avalon Big Box útgáfan er sérstök útgáfa fyrir aðdáendur The Resistance: Avalon, en þeir eru nokkuð margir.

Spilið stillir upp hinum góðu og hinum illu í bardaga um framtíð siðmenningarinnar. Arthúr konungur er framtíð Bretlands, en á meðal hinna hugrökku stríðsmanna hans eru menn Mordreds. Þeir eru færri, en vita hverjir þeir eru og fara huldu höfði í hirð Arthúrs. Merlín veit líka hverjir þeir eru, en getur aðeins gefið lúmskar vísbendingar, því ef hinir illu uppgötva hver hann er, þá er úti um hið góða.

Avalon Big Box er endurhönnuð útgáfa af þessu klassíska spili með heilan helling af aukahlutum sem gefa nær endalausa möguleika á að breyta spilinu. Nánari útlistun er í myndbandinu að neðan.