„Eru stjörnurnar framandi hér?“ spurði hún, og himininn varð skyndilega svartur, stjörnumerkin ókunn og einkennileg. „Þetta er Hið Ráfandi Haf. Guðirnir hafa sent þig hingað, og þú þarft að vekja þá ef þú vilt komast heim.“

Í Sleeping Gods eruð þið Kafteinn Sofi Odessa og áhöfn hennar, týnd í furðulegum heimi árið 1929 á gufuskipinu Manticore. Þið þurfið að vinna saman til að lifa af, rannsaka ókunnar eyjar, hitta nýjar persónur og leita að styttum guðanna svo þið getið haldið heim á leið.

Sleeping Gods er herferðarspil (e. campaign). Hvert spil getur verið eins langt og þið viljið. Þegar þið viljið hvíla ykkur, þá merkið þið ferðalagið á blað, sem gerir það auðvelt að byrja á saman stað næst þegar þið spilið. Þú getur spilað einmenning eða með vinum í gegnum herferðina. Það er auðvelt að bæta leikmönnum inn og út úr spilinu. Markmiðið er að finna minnst fjórtán styttur sem eru dreifðar um heiminn. Eins og að lesa bók, þá klárið þið ferðalagið á einum eða tveimur tímum í einu, uppgötvið ný lönd, sögur, og áskoranir á leiðinni.

Sleeping Gods er heimskortaspil. Hver síða af heimskortinu sýnir aðeins lítinn hluta af heiminum sem þið eruð að kanna. Þegar þið eruð komin á enda síðunnar og viljið halda áfram í sömu átt, þá flettið þið einfaldlega og siglið áfram.

Sleeping Gods er söguspil. Hver ný staðsetning inniheldur mikil ævintýri, leynda fjársjóði, og lifandi persónur. Val ykkar hefur áhrif á persónurnar og framvindu spilsins, og getur aukið eða hindrað möguleika ykkar á að komast heim

Velkomin í víðfeðman heim. Ferðalag ykkar hefst núna.