Skoðað: 11
Þú stjórnar litlu konungsríki, og hefur mikinn metnað. Þú vilt auka fólksfjöldann í ríkinu, læra máttuga galdra, byggja himinháa turna, og láta andstæðingana skjálfa á hnjánum þegar þeir heyra nafn þitt nefnt. Vandamálið? Hinir vilja það sama og þú, og það er ekki nóg pláss fyrir alla til að sigra.
Tiny Epic Kingdom er ævintýraspil í litlum umbúðum, þar sem hver leikmaður byrjar með sinn hóp, með eigin tæknitré) og smá svæði. Í spilinu eru leikmenn að safna auðlindum, rannsaka önnur svæði, berjast innbyrðis, rannsaka galdra, og vinna að því að byggja upp himinháan turn til að vernda konungsríkið.
Verðlaun og viðurkenningar
- 2013 Golden Geek Best Print & Play Board Game – Sigurvegari
Eidur S. –
Fínasti leikur fyrir það sem hann er. Leikurinn gengur út á að safna sér stigum með því að fjölga í hernum þínum, dreifa þér um landið, vinna orustur, læra galdra, ásamt öðru. Hver leikmaður spilar mismunandi hóp sem gefur þeim ýmsa krafta, þá t.d. álfa, menn, dverga, eðlur ofl.
Leikborðið samandstendur af spilum með mismunandi svæðum á sem dregin af handahófi úr bunka í byrjun leiksins. Öll spilin eru þó frekar svipuð og vildi ég að þau hefðu aðeins meiri persónuleika. Þannig að maður tæki eftir því hvaða spil eru með í hverjum leik og borðið væri aðeins skrautlegra. Í staðin er það alltaf mjög svipað og frekar látlaust.
Leikurinn er ekki jafn djúpur og önnur stærri 4x spil á við Eclipse eða Schyte, en nær samt að vera hið fínasta spil, þá sérstaklega fyrir þá sem hafa ekki spilað þessi stærri. Einnig er Tiny Epic Kingdoms mikið fljótlegra í spilun heldur en þessi stærri.