Árið 1945 sigruðu ólíklegir bandamenn bandóðan Hitler, og hræðilegustu vopn mannkyns knésettu japanska keisaraveldið. Þar sem eitt sinn voru mörg heimsveldi, stóðu aðeins tvö eftir. Heimurinn var varla búinn að jafna sig á heimsstyrjöldinni þegar ný ógn kom á sjónarsviðið. Ólíkt fyrri deilum sem voru útkljáðar með tröllslegum hætti, þá var hermönnum og skriðdrekum ekki beitt í þessu stríði , heldur njósnurum og stjórnmálamönnum, vísindamönnum og hugsuðum, listamönnum og svikurum.
Twilight Struggle er spil sem líkir eftir 45 ára baráttu heimsveldanna um völd á bak við tjöldin, og stundum fyrir framan þau. Allur heimurinn er undir þar sem þessar risaþjóðir berjast um að gera heiminn öruggan fyrir sína heimsmynd. Spilið hefst í rústum Evrópu, og því lýkur 1989 þegar aðeins Bandaríkin standa eftir.
Í spilinu eiga sögulegir atburðir sér stað, eins og stríði milli araba og Ísraela 1948 og 1967, Víetnam stríðið og friðarhreyfingin í Bandaríkjunum, Kúbudeilan og aðrir atburðir sem ýttu heiminum í áttina að kjarnorkustríði, sem gæti endað spilið fyrr.
VERÐLAUN OG VIÐURKENNINGAR
- 2012 Ludoteca Ideale Winner
- 2012 Gra Roku Game of the Year Nominee
- 2011 Lucca Games Best Boardgame for Experts
- 2006 International Gamers Awards – Historical Simulation
- 2006 International Gamers Awards – General Strategy; Two-players
- 2006 Golden Geek Best Wargame Winner
- 2006 Golden Geek Best 2-Player Board Game Winner
- 2005 James F. Dunnigan Award Winner
- 2005 Charles S. Roberts Best Modern Era Boardgame Winner
Magnús Halldór Pálsson –
Eitt besta borðspil í heimi. Punktur. Ekkert spil hefur hangið jafn lengi í efsta sætinu á lista Board Game Geek yfir bestu spil í heimi, en spilið er reyndar dottið niður í 6. sæti listans þegar þetta er skrifað (en það hlýtur að vera einhver misskilningur, þetta ER besta spil í heimi).
Sögusviðið er kaldastríðið og togstreitan á milli stórveldana tveggja, Bandaríkjana og Sovétríkjana. Ógnin við kjarnorkustyrjöld vofir yfir, en það sem þetta spil gerir svo stórkostlega vel er að ef sprengjurnar falla á þinni vakt þá tapar þú spilinu.
Spilið er drifið áfram af spilum (kortaspil) sem tengjast atburðum sem áttu sér stað á kaldastríðsárunu, en þemað hreinlega drýpur af hverju einasta atriði.
Ég hef ekkert spil spilað sem dregur jafn kröftuglega fram tortryggni og efasemdir í garð mótherjans. Hver einasta aðgerð sem maður framkvæmir gæti sent allt fram að hengifluginu.
Athugið samt að þetta spil er ekkert léttmeti og það er nauðsynlegt að fá góða kennslu í því við fyrstu spilun. En eftir því sem skilningur vex því dýpra verður spilið og betra eftir því sem maður spilar það oftar við sama mótherja.