Skoðað: 24
Ultra-Tiny Epic Galaxies er heil og óstytt útgáfa af Tiny Epic Galaxies í kassa sem er á stærð við spilastokk. Eins og stóra (heh) útgáfan er það fyrir 1-5 leikmenn, og inniheldur 40 upprunalegu pláneturnar, og meira að segja Satellites&Super Weapons viðbótina!
Eidur S. –
Þetta spil kemur í litlum kassa en reynir að keppa við önnur spil sem kæmu í stærri kassa. Keppt er um stig sem maður aflar sér ýmist með því að vinna plánettur, stækka geimflotan þinn ofl. Á borðinu eru nokkrar plánettur sem þú og hinir leikmennirnir geta reynt að ná. Í hverri umferð kastar þú teningunum þínum og velur úr svipað og í Yahtzee. Eftir því hvaða teninga þú velur geturu flogið geimskipinu þínu á einhverja plánettu, eða nýtt þér krafta hennar, eða reynt að ná henni, stækkað geimflotan þinn ofl.
Þegar einhver nýtir sér tening, geta allir aðrir leikmenn valið um að borga til þess að fá að nýta sama tening einnig fyrir sig. Þetta bætir heilmiklu við leikinn og gerir margar ákvarðanir flóknari þar sem þú vilt mögulega ekki gefa andstæðing þínum akkúrat teninginn sem honum vantar.
Það fylgir aukapakki með sem bætir við vopnum sem allir hafa aðgang að. Að öðru hvoru fá leikmenn token sem þeir setja á einhverja plánettu. Sá sem nær þeirri plánettu eignast þetta token sem gildir sem stig í lokin eða hægt er að nota til þess að nýta sér vopn. Þetta getur gjörbreytt hverjum leik og er ágætis viðbót.
Þessi leikur fæst einnig í aðeins stærri kassa, ef þú hefur efni á plássinu myndi ég kaupa mér þann stærri. Aðallega því teningarnir eru svo ofboðslega litlir í þessum smærri og því að ef margir eru að spila er erfitt að lesa á spilin á borðinu.