Zeus on the Loose

1 umsögn um Zeus on the Loose

1. Einkunn 4 af 5

   Stefán frá Deildartungu – 20. nóvember, 2020

   Í upphafi skapaði Guð himin og jörð. Jörðin var þá auð og tóm, og myrkur grúfði yfir djúpinu, og andi Guðs sveif yfir vötnunum. JÁVARÞAÐEKKINEI! Í þessu spili er það ekki Guð almáttugur sem skapaði heiminn, heldur öll gríska guðahersingin. Við erum heldur ekki að skapa allan heiminn, heldur bara eitt fjall – Ólympusarfjall.

   Spilarar eru með spil á hendi og skiptast á að leggja niður spil í borð; annars vegar eru það töluspil, á bilinu 1 – 10 og hins vegar guðaspil, sem gera allt vitlaust. Þegar spilari leggur niður töluspil, tilkynnir hann einfaldlega hversu hátt Olympusarfjall er að því loknu; leggur töluna sína við útkomu síðasta spilara á undan. Ef hæðin lendir á sléttum tug eða hundraði fær leikmaður Seif til sín. Ef hæðin er 100 eða meira er umferðin búin og sá sem er með seif fær eitt stig, við stokkum og gefum upp á nýtt. fyrstur upp í þrjú stig vinnur.

   Guðaspilin rugla öllu. Sum setja hæðina í næsta tug fyrir ofan eða neðan, á meðan önnur setja hæðina í 99 eða snúa tölugildinu við, þannig að t.d. 72 verður 27, og ýmislegt fleira.

   Stórskemmtilegt spil, bæði fyrir börn og lengra komna. Frábært fyrir krakka sem eru að læra að leggja saman. Ég mæli eindregið með þessu.