Tónlistarbingó – bingó og tónlist í eina sæng!

Tónlistarbingó er í grunninn bingó, en við það bætist að þú þarft að vita hvaða lag er verið að spila til að geta fyllt í reitina. Þannig sameinast tvö vinsælustu hópspilin í eina sæng: Bingó og spurningaspil um tónlist. Tónlistin eru vinsæl popplög sem spanna allt frá 1960-2010 svo flestir ættu að kannast við lögin.

Tónlistarbingó hentar fyrir allar stærðir af hópum. Hægt er að spila það í heimahúsi, í stórum sal, og í Spilavinum! Bingóið tekur um klukkustund í flutningi. Fyrst er spilað upp á B-I-N-G og Ó, og svo er allt spjaldið klárað.

Sendu okkur fyrirspurn og bókaðu tónlistarbingó fyrir vinnustaðinn þinn.

Hvar sem er á höfuðborgarsvæðinu

Þið veljið staðinn, hvort sem er í fyrirtækinu eða annars staðar á höfuðborgarsvæðinu. Við komum til ykkar með bingóspjöldin og tónlistina. Eina sem staðurinn þarf að bjóða upp á er að við getum tengst inn í hátalara svo tónlistin skili sér til allra.

Tónlistarbingó í Spilavinum

Spilavinir eru tilvalinn staður til að bjóða starfsfólkinu upp á skemmtilega kvöldstund í notalegu umhverfi. Hjá okkur er hægt að versla alls kyns snarl og drykki fyrir starfsfólkið.

Tónlistarbingó Í Spilavinum eru í boði utan afgreiðslutíma: Mán-Lau: 18-22. Hægt er að leigja salinn í allt að 4 klst.

Fyrirtæki utan höfuðborgarsvæðisins

Að sjálfsögðu erum við til í að hitta skemmtilegt fólk hvar sem það er búsett á landinu. Verð á því þarf að semja sérstaklega um, eftir því hvar á landinu viðburðurinn er. Hafið samband með tölvupósti til að stilla upp skemmtilegu spilakvöldi fyrir fyrirtæki utan höfuðborgarsvæðisins.