Skoðað: 3.535
HeckMeck (einnig þekkt sem Pickomino) sem er spilað sérstaklega mikið hjá okkur í Spilavinum. Lítið og nett, auðvelt að taka með sér hvert sem er. Hægt að spila utandyra í íslenskri gjólu, og auðvitað í blankalogni hvar sem er.
Þegar þú átt leik kastar þú átta teningum og mátt velja eina tegund til að geyma til hliðar. Síðan heldur þú svona áfram þar til það sem þú ert búin að taka til hliðar nær samtölu sem er jöfn einhverjum ormi á grillinu og færð að taka hann. Ef þú kemst ekki upp í nógu háa tölu eða getur ekki tekið fleiri teninga þá þarftu að skila orm sem þú hefur fengið.
Auðvelt að læra og gaman að spila.
VERÐLAUN OG VIÐURKENNINGAR
- 2006 Golden Geek Best Light / Party Game – Tilnefning
- 2006 Golden Geek Best Kids’ Board Game – Tilnefning
- 2005 Kinderspielexperten “8-to-13-year-olds” – Tilnefning
- 2005 Japan Boardgame Prize Best Foreign Game for Beginners
- 2005 Deutscher Lernspielpreis “6 years and up” – Tilnefning
Linda Rós –
Þetta spil er næstum alltaf í töskunni hjá mér. Skemmtlegt teningaspil ólíkt yatzy að maður þarf ekki að skrifa neitt niður. Hægt að spila allstaðar og við alla. Eitt af mínum uppáhalds, alltaf hægt að biðja mig um að spila Heckmeck.
Elín Björk –
Þetta er svo skemmtilegt spil. Hefur ferðast með okkur um allan heim. Alltaf hægt að grípa í, hvort sem er á kaffihúsi eða pöbbnum. Tilvalin vina eða möndlugjöf.
Sigurlaug –
Frábært spil sem er auðvelt að ferðast með.
Ég spilaði þetta við tvö 8 ára börn sem höfðu svo gaman að og æfðust vel í reikningi á meðan. Sérstaklega skemmtilegt að spila við börn því bæði börnin og fullorðnu hafa jafn gaman.
Halldóra –
Þetta er frábært spil, fyrirferðalítið teningaspil sem hægt er að taka með sér og spila hvar sem er.
Halldóra –
Þetta er frábært spil, fyrirferðalítið teningaspil sem hægt er að taka með sér og spila hvar sem er.
Sigurður Jón –
Gefur manni Yatzy fíling. Kastar teningum og reynir að safna sem flestum teningum með sem hæstum tölum, þú getur svo kastað þeim teningum sem þú tókst ekki frá aftur og svo aftur að því gefnu að þú hafir ekki þegar tekið frá allar tölurnar sem koma upp í næstu köstum, því eftir að þú tekur frá tölu máttu ekki taka hana frá aftur í sömu lotu. Þú reiknar svo saman summuna af öllum fráteknum teningum og tekur á hendi dominokubb sem samsvarar útkomuni. Domino kubbarnir í spilinu eru veigamiklir og þykkir og það mætti þessvegna spila þetta úti.
Þetta er bara lauflétt og gott spil sem gerir það sem það gerir vel.
Ég er ekki viss um að ég myndi samt nenna að spila það með fleirum en þrem eða fjórum, en það virkar líka fínt með tvem.
Börn sem eru komin með ágætis tök á samlagningu geta spilað þetta spil.
Asta –
Frabært spil fyrir miðstigskrakka og ömmu og afa og alla þar á milli!
Salóme Mist Kristjánsdóttir –
Skemmtilegt lítið spil í léttari kantinum. Besta spil sem ég veit um til að spila úti á sumrin því það er ekkert sem getur fokið og það fer ekki mikið fyrir því Betra með fleiri spilurum en færri og hentar öllum aldurshópum. Sniðugt til að æfa krakka í að leggja saman tölur.
Margrét Hanna –
Skemmtilegt spil sem fer lítið fyrir. Æfir um leið reikning og útsjónarsemi.
Rebekka R. –
Einfalt og skemmtilegt hvort sem það eru 2 eða fleiri að spila. Lítið og nett svo það fær alltaf að fylgja með í ferðalög.
Eiríkur Arnar Björgvinsson –
Mjög skemmtilegt spil fyrir allan aldur. Þarf ekki mikið að hugsa og vel hægt að spjalla og spila. Alltaf með í útilegunni.
Kolbrún –
Skemmtilegt spil fyrir allan aldur. Fyrirferða lítið og því þæginlegt að taka með hvert sem er. Þjálfar talnaskilning og samlagningu hjá börnum, hentar börnum frá 5 ára aldri. Einnig mjög skemmtilegt að spila með vinahópnum, þæginlegt spil til að spjalla, narta og sötra yfir 😉
Sigurborg Sturludóttir –
Skemmtilegt og auðvelt spil fyrir breiðan aldur. Við tókum það með í Camper ferðalagið okkar síðasta sumar 🙂
Eyrún Halla Kristjánsdóttir –
Skemmtilegt spil fyrir alla, sama hver aldurinn er. Alltaf skemmtilegt og frábært til að sameina fólk á misjöfnum aldri.
Sigurður Karlsson –
Skrmmtilegt spil sem hentar eiginleg fyrir alla. Er auðvelt að læra sem er stór kostur og tekur ekki mikinn tíma þannig að það er gott þegar það þarf að grípa í eitt spil.