Skoðað: 49
Það er alltaf eitthvað að gerast í hinni líflegu borg sem aldrei sefur. Ef til vill eru það blikkandi ljósaskiltin sem valda því, kannski stórborgarorkan eða hugsanlega risavöxnu skrímslin sem eru að leggja borgina í rúst!
King of New York var gefið út í kjölfar vinsælda King of Tokyo sem hefur farið sigurför um heiminn. Spilið er eins í grunninn en inniheldur einnig nýjar og spennandi leikaðferðir, sex ný skrímsli, annað leiksvið ofl.
Verður þú stjarnan í eigin uppfærslu eða frelsari fólksins?
Fyrsti leikmaðurinn til að ná yfirráðum yfir Manhattan verður konungur New York! Hefur þú það sem til þarf?
ATH: Spilið er á ensku
Sigurjón Magnússon –
Fyrir þá sem líka viđ King of Tokyo þá er þetta nánast eins nema međ nokkrum auka fítusum, gott spil
Eidur S. –
Ef þú átt King of Tokyo er þetta ekki nógu öðruvísi til þess að eiga þetta líka. Hins vegar ef þú átt ekki King of Tokyo myndi ég frekar fá mér King of New York.
Spilið virkar eins og King of Tokyo þar sem þú keppir um að safna fyrst 20 stigum, eða koma öllum andstæðingum þínum niður í núll líf, en þá eru þau úr leiknum. Í hverri umferð er eitthvað skrímsli í miðri borginni og ef það gerir árás ræðst það á alla hina leikmennina. Hins vegar ef skrímsli er ekki í miðri borginni ræðst það aðeins á það sem er í miðborginni.
King of New York bætir við húsum sem hægt er að skemma í borginni til þess að fá stig eða líf ásamt herliðum, sem geta meitt skrímslin. Ég er mjög hrifinn af þessu aukalagi á gamla leikinn.
Ég mæli einnig mikið með Power Up! aukapakkanum fyrir þetta spil, það gefur skrímslunum ólíka krafta sem bætir heilmikilli fjölbreytni við leikinn.
Spilið endar oft á því að vera mjög spennandi, en getur verið leiðinlegt fyrir þá sem duttu mjög snemma út að geta bara horft á, sérstaklega ef leikurinn dregst á langinn eða ef margir eru að spila.