Waterdeep, stórborg í ævintýraheimnum Forgotten Realms, er uppfull af pólitískum brögðum og skuggalegu baktjaldamakki. Í leiknum eru leikmenn valdamiklir lávarðar að reyna ná völdum í þessari miklu borg. Fjármunir og hráefni borgarinnar bíða eftir að vera notað og það sem þú nærð ekki með blekkingarleikjum og samkomulögum verður að taka með valdi!
Sem einn af grímuklæddum lávörðum Waterdeep þarftu að nota sambönd þín til að ráða ævintýrafólk til að fara í leiðangra fyrir þig til að ná fjársjóðum og efla áhrif þín í borginni. Stækkaðu borgina með því að kaupa byggingar sem bjóða upp á nýjar aðgerðir og spilaðu Intrigue spilum til að skemma fyrir eða hjálpa hinum lávörðunum.
Á meðan á spilinu stendur safnar þú stigum og afurðum með því að klára leiðangra, byggja byggingar, spila Intrigue spilum eða að hagnast á því að aðrir leikmenn nota byggingarnar þínar. Eftir 8 umferðir sigrar leikmaðurinn sem er með flest stig.
VERÐLAUN OG VIÐURKENNINGAR
- 2013 Origins Awards Best Board Game – Sigurvegari
- 2012 Meeples’ Choice – Tilnefning
- 2012 Guldbrikken Special Jury Prize – Sigurvegari
- 2012 Golden Geek Best Strategy Board Game – Tilnefning
- 2012 Golden Geek Best Family Board Game – Tilnefning
- 2012 Golden Geek Best Board Game Artwork/Presentation – Tilnefning
- 2012 ENnie for Best RPG Related Product Silver – Sigurvegari
- 2012 Charles S. Roberts Best Science-Fiction or Fantasy Board Wargame – Tilnefning
Magni –
Frábært spil þar sem hver hefur sitt markmið og spilar eftir því. Auðvelt að læra og hentar öllum sem hafa gaman af kænskuspilum.
Jakob Ævarsson –
Lords of Waterdeep er frábært Woker Placement spil í anda Agricola og Architects of the West Kingdoms. LoW hefur þann styrkleika framyfir önnur svipuð spil að þema og leikmunir eru í algeru toppstandi. Ef þú fílar Forgotten Realms eða Dungeons & Dragons, þá muntu njóta þess í botn.
Í spilinu ertu að safna hermönnum, klerkum og galdraköllum til að auka áhrif þín í Waterdeep borginni og vinna að sérhæfðum verkefnum sem þú fiskar eftir sjálfur.
Þorri –
Eitt uppáhaldsspilanna minna. Auðvelt að kenna það, rúllar vel og þemað er vel tengt inn í D&D án þess að vera að þvælast fyrir. Maður þarf ekkert að þekkja, skilja eða hafa áhuga á D&D til að geta spilað. Það er aðeins eitt skor til að fylgjast með, fyrir utan að hver leikmaður er með sína eigin persónu sem gefur einstakan bónus í lokin. Viðbótin “Scoundrels of Skullport” gerir þetta frábæra spil enn betra.