Ticket to ride: Amsterdam

Ticket to ride: Amsterdam felur í sér sama gangverk og önnur spil í Ticket to Ride seríunni — safna spilum, ná leiðum, draga spil — en á minna korti en hingað til sem gerir þér kleift að klára heilt spil á 15 mínútum.

Nú eruð þið í miðju Gouden Eeuw, Gullnu öldinni. Amsterdam er hjarta alþjóðlegrar verslunar og ríkasta borg jarðar. Vörur hvaðanæfa að úr heiminum hlaðast upp á höfninni, í skipsförmum, í vöruhúsum, og á bökkum hinna óteljandi skurða. Þið ætlið að græða á þessu!

Hvenær sem leikmaður klárar leið með vögnum á henni, þá fær viðkomandi bónusspil. Flest bónusspil gefa aukastig í lokin.