Tiger and Dragon

Í Tiger & Dragon spilið þið flísum af hendi til að ráðast á eða verja ykkur. Það sem nær fyrst að losa sig við allar flísarnar sínar skorar stig eftir því hvaða ein af tíu stigagjöfum er í þeirri umferð.

Spilið samanstendur af 38 flísum, þar sem 36 þeirra eru númeraðar og fjöldi er sama og númerið (einn ás, tveir tvistar og svo framvegis), og dreki og tígrisdýr. Stokkið flísarnar, og svo fáið þið mismargar flísar eftir fjölda leikmanna, og það ykkar sem byrjar fær eina aukaflís. Sem dæmi um fjögurra manna leik, þá fær það ykkar sem byrjar tíu flísar, en hin fá níu. Að minnsta kosti ein flís er ekki með í spilinu.

Fyrsta flísin sem spiluð er út er árás. Næsti leikmaður má segja pass, eða verjast árásinni með því að spila út eins flís. Athugaðu að drekinn getur varist öllum oddatölum og tígrisdýrið öllum sléttum tölum. Eftir vörn, þá má sami leikmaður spila út sinni árás. Ef þú segir pass, þá á næsti leikmaður til vinstri að annað hvort verjast eða segja pass. Ef allir segja pass við árás frá þér, þá leggur þú eina flís af hendi á grúfu á leikborðið þitt, og velur svo nýja flís til að gera árás með. Ef þú ræðst á með drekanum eða tígrisdýrinu, þá er hægt að verjast með oddatölu, eða sléttri tölu.

Það ykkar sem fyrst klárar höndina sína sigrar þá umferð og skorar stig byggt á síðustu flísinni sem það spilaði út, og stigagjöf þeirrar umferðar. Eitt aukastig fæst fyrir hverja árás sem enginn varðist. Í lok umferðar, ef einhver er með 10 stig eða meira, þá hefur sá hinn sami sigrað.

Tiger & Dragon er byggt á vinsælu japönsku spili sem heitir Goita, og er líka hægt að spila í liðum. Þá sitja liðsfélagar á móti hvor öðrum og liðið sem fyrst fær 15 stig sigrar.

VERÐLAUN OG VIÐURKENNINGAR

• 2022 Japan Boardgame Prize Voters’ Selection – Tilnefning