Stutt og skemmtileg spil sem endast vel

Spil þurfa ekki að vera flókin til að vera viðkvæm fyrir því að það vanti hluti. Hið stórkostlega Outfoxed þolir ekki vel að í það vanti sökudólga eða vísbendingar. En sum spil þola það betur en önnur að í þau vanti hluti. Til dæmis er vel hægt að spila Tímalínu þó í hana vanti nokkur spil. Sama á við um Krakkakviss og Family Inc. Geistes Blitz er vel hægt að spila þó í það vanti spil, en verra er ef það vantar einn af hlutunum sem á að grípa í spilið.

Spilin hér að neðan eru öll endingargóð, henta vel fyrir skóla til að nota í stöðvavinnu og sem afþreying í frímínútum (við erum aðdáendur símalausra skóla). Auðvitað eru þetta líka frábær spil fyrir fjölskyldur og vini sem vilja eiga stutt og skemmtileg spil sem endast vel.