Varúð: Spilið er ekki fyrir börn.
„Partíspil fyrir hræðilegt fólk.“
Spilið byrjar á að dómarinn tekur sér svarta spurningu, eða fyllið-í-eyðurnar spil efst úr bunkanum og sýnir það öðrum spilurum. Hver leikmaður er með tíu svar-spil á hendi í upphafi hverrar umferðar, leggur eitt svar-spil á hvolfi hjá dómaranum (stundum tvö) spil og lætur engann sjá á spilið. Þegar allir hafa gert það, þá velur dómarinn spil sem honum finnst fyndnast. Leikmaðurinn sem átti það spil fær spurninguna sem stig, og þá fær leikmaðurinn vinstra megin við dómarann að vera næsti dómari. Spilað er þar til ákveðið er að hætta, og sá eða sú sem er með flest stig sigrar.
Spilið er byggt á Apples to Apples, sakleysislegu og vinsælu fjölskylduspili. En húmorinn í Cards Against Humanity er allt annar. Spilið hvetur beinlínis til að gera grín að öllum óþægilegum og forboðnum umræðuefnum eins og kynþætti, trúarbrögðum, kyni, fátækt, pyntingum, alkóhólisma, eiturlyfjum, kynlífi, fóstureyðingum, misnotkun á börnum, frægu fólki, og litlu pirringunum eins og „að búast við ropa og æla á gólfið“.
Svo eru nokkrar aukareglur. Fyrst, sum spil eru með „Veldu 2“ (e. Pick 2), eða spil sem krefjast þess að hver leikmaður leggi til tvö spil af hendi. Eins er veðmálsmöguleiki fyrir hendi. Ef spurningu spilað út og leikmaður heldur hann hafi tvö möguleg vinningsspil, þá má hann veðja einu af stigunum sínum til að spila út öðru svari. Ef leikmaðurinn sem vaðjaði sigrar, þá heldur hann spilinu sem hann borgaði með — en ef hann tapar, þá fær sá sem spilaði sigurspilinu út bæði stigin.
Sara –
Þetta er eitt allra besta partýspil sem ég hef spilað. Hef spilað þetta í bæði stórum og minni hópum og virkar jafnvel fyrir bæði. Mæli með
Hildur H –
Virkilega skemmtilegt spil og útkoman mismunandi eftir þeim hópum sem verið er að spila í. Mælið eindregið með því að hvert heimili eigi einn svona pakka 🙂
Unnur Ýr Konráðsdóttir –
Ef þú hefur ekki prufað Cards Against Humanity þá giska ég á að þú hafir búið undir steini í fleiri ár. Þetta er partýspil sem bara klikkar ekki. Það sýnir þér nýja hlið á fólkinu í kringum þig og getur leitt til gráturs vegna hláturs . Mæli ekki með að þetta sé spilað í jólaboði með ömmu og afa.
Mæli eindregið með!
Sigurlaug –
Frábært partýspil!
Halldóra –
Frábært partý/matarboðsspil. Mjög einfalt og fyndið.
Magni –
Partýspil fyrir fullorðna, alveg ómissandi eign.
Klara –
Ótrúlega gott partyspil! Hentar vel til þess að hrista upp í hópnum
Linda –
Brjálæðislega fyndið hvernig sumar setningar koma út! Snilld í partýinu
Una Hildardóttir –
Skemmtilegt spil fyrir alla með kolsvartann húmor. Hver vinnur er algjört aukaatriði.
Anna Margrét Kornelíusdóttir –
Þetta er ótrúlega skemmtilegt og auðlært spil, fyrir alla þá sem hafa gaman að orðaleikjum og með dökkan húmor. Það er líka mjög gaman að bæta við expansion pökkum til að fríska upp á leikinn.
Lillian –
Algjör uppáhalds!!
Ásta Eydal –
Virkilega skemmtilegt spil og gaman að sjá hvernig upplifunin verður aldrei eins eftir því við hverja þú ert að spila!
Salóme –
Frábært spil með svartan húmor. Alls ekki fyrir viðkvæma. Þetta spil nýtur sín best í partýi með 5-6 spilara.
Rebekka R. –
Það besta í partýið, sérstaklega nýja prentunin þar sem búið er að uppfæra mörg spil sem þótti erfitt að spila út áður og setja ný skemmtilegri í staðinn.
Þórdís –
Mjög skemmtilegt spil sem alltaf er hægt að grípa í með góðum hópi. Svartur húmor sem gerir þetta fyndnara
Rúnar Þór –
Þetta er nauðsynlegt að spila í góðra vina hópi með svartan húmor eða sem eru bara fífl eins og þú haha
Hrikalega fyndið spil en svo einfalt líka
Hafdis karlsdottir –
Þetta tek ég með í partý fyrir unglinga og fullorðna
Ísak Jónsson –
Algjörlega frábært partíspil. Spilist ekki með börnum. Ég mæli þó með að annað hvort fjarlægja sérlega óáhugaverð spil sem engin veit hvað þýða úr stokknum eða búa til húsreglu þar sem sá sem er að spyrja hina má í leiðinni skipta út tilteknu magni af sínum spilum.
Ingibjörg Jóna Magnúsdóttir –
Eitt af mínum uppáhalds partý spilum! Klikkar seint.
snædís –
Skemmtilegt fyrir vinahópinn. Hentar ekki börnum þar sem þetta er svartur húmor og á ensku.
Guðrún Ragnarsdóttir –
Klárlega með skemmtilegri partyleikjum þar sem flest er bara á rosalega gráu svæði. Gott fyrir fólk með svartan húmor
Eidur S. –
Gengur út á grafískan sjokk húmor sem verður fljótlega þreyttur.