Ný útgáfa! Nú fylgir nýtt spil með í hverri öskju, sérstaklega gert fyrir Ísland. Við kynnum til sögunnar, hvað annað en… Lundann! Ef hann kemur, þá þarftu að búa til lundagogg með lófunum áður en þú slærð á bunkann.
Taco Köttur Geit Ostur Pizza er stútfullt spil af stuði — og á íslensku! Leikmenn þurfa að skiptast á að segja taco/köttur/geit/ostur/pizza og setja út eitt spil á bunkann á sama tíma. Ef spilið er eins og orðið sem sagt er, þá — slamm! — reyna allir að vera ekki síðasti leikmaðurinn til að setja hendina á bunkann, því sá þarf að taka bunkann. Leikmaðurinn sem fyrstur losnar við öll spilin sigrar!
Til að bæta stuði í súpuna eru nokkur sérstök spil — górilla, náhvalur og múrmeldýr — sem neyða leikmenn til að gera hreyfingu áður en slegið er á bunkann!
Geggjað, stórskemmtilegt spil!
VERÐLAUN OG VIÐURKENNINGAR
- 2021 Palme d’Or for Best Party Game
Þorri –
Ég vissi ekki hvaða spil var verið að spila á næsta borði, en guð minn góður hvað þau skemmtu sér vel. Það var hlegið og barið í borðið, og stundum var eins og þau væru að framkvæma einhvern æfðan dans þegar allir klöppuðu í einu og slógu í borðið. Ég man hvað mig langaði mikið að vera með, og að vita hvaða spil þau voru að spila.
Næst fékk ég að vera með, og það var ekkert minna gaman að vera með en að fylgjast með þeim spila.
Spilið var Taco Köttur Geit Ostur Pizza. Lítið og nett, hávært, fjörugt og skemmtilegt spil.
SolviKaaber –
Taco Köttur Geit Ostur Pizza, spilið sem er jafnskemmtilegt og nafnið er skrýtið. Þetta er fyndnasta hraðaspil sem að ég veit um, í hvert einasta skipti sem ég spila það eru allir skellihlæjandi. Spennan magnast meðan að spilararnir bíða óþreyjufullir eftir augnablikinu sem að þeir þurfa að slá í borðið og svo allt í einu birtist górilla og þú þarft að berja í brjóst þitt eins og api. Mæli með fyrir flestalla sem vilja fjöruga skemmtun í litlum kassa.