The Game: Quick & easy

Spila spili út, draga nýtt spil á hendi — það verður varla auðveldara, rétt?

Ekki láta einfaldleikann gabba þig, því jafnvel þó titill spilsins gefi til kynna að það sé fljótlegt og auðvelt, þá er ekki auðvelt að sigra það. Þið getið aðeins sigrað sem sterk liðsheild! Nánar tiltekið, þá sigrið þið aðeins ef ykkur tekst að spila öllum 50 spilunum út í frákastsbunkana tvo. Stokkurinn er samsettur úr 50 spilum í 5 litum sem eru númeruð frá 1-10 í hverjum lit. Hver leikmaður fær tvö spil á hendi.

Þegar þú átt leik, þá spilar þú út einu eða tveimur spilum á annan eða báða bunkana. Á annan bunkann verður þú að setja hærra spil en er úti, og á hinn lægra spil. Undantekningin á þeirri reglu er að þú mátt spila hvaða spili sem er ef það er í sama lit og efsta spilið í bunkanum. Þannig er hægt að skapa sér svigrúm til að koma fleirum spilum út.

Þú mátt ekki segja frá hvaða tölur þú ert með á hendi, en þú mátt segja t.d. „ég er með hátt gult spil“. Í erfiðu útgáfunni máttu aðeins spila einu spili í hverri umferð (þó þú viljir spila tveimur), og þú mátt aðeins segja frá lit spilanna þinna og á hvorn bunkann þú vilt spila út.