Eftir ótalin ár við tilraunir í sameiginlegri tilraunastofu ykkar, þá hefur ykkur tekist að breyta algengum málmum í gull! Það eina sem er eftir er að fínissera formúluna, endurtaka tilraunirnar, og finna hina fullkomnu blöndu af málmum sem býr til tærasta gullið.
Aurum er slaga-spil fyrir þrjá til fjóra leikmenn, og er spilað sem liðaspil þegar fjórir etja kappi. Þegar spilunum hefur verið deilt á milli ykkar, þá bjóðið þið í hve marga slagi þið, eða liðið ykkar, ætlið að taka. Í fjögurra-manna spili, þá er það hærra spilið í liðinu sem ræður.
Þegar þú átt að leggja út fyrsta spilið, þá máttu leggja út hvaða spil sem er, nema gull. Þegar þú ert að leggja út á spil, þá máttu ekki spila sama málmi og hefur þegar verið settur út (nema gulli). Hæsta talan vinnur, en gull er trompm og vinnur alltaf. Hver sem spilaði út lægsta spilinu sem ekki var gull, tekur gullspil með sömu tölu úr forðanum, ef hægt er. Gullspil sem notuð eru til að taka slag eru sett aftur í forðann.
Umferðinni lýkur strax og eitthvert ykkar getur ekki spilað út löglegu spili, og á ekki gull eða vill ekki spila gulli út. Ef þú færð fleiri slagi en þú sagðir, þá færðu sögnina þína. Ef þú færð sama og þú sagðir, þá færðu tvöföld stig. Ef þér tókst ekki að fá það sem þú bauðst í, þá færðu ekkert stig. Að auki, þá færðu stig fyrir fjölda gullspila sem þú ert með. Það ykkar, eða liðið, sem er með flest stig fær gullmola, og fyrst til að fá tvo mola sigrar!
Umsagnir
Engar umsagnir komnar