Ligretto er í raun mjög einfalt spil með nokkrum einföldum reglum. Um leið og leikmenn hafa lært þær geta þeir unnið í því sem skiptir mestu máli… Að vera nógu snöggur! Markmiðið er að losna við öll spilin úr Ligretto bunkanum þínum á undan andstæðingunum, með því að vera fljótari að spila út samlitum spilum í réttri talnaröð (frá 1 upp í 10) í stafla á miðju borðinu.
Hraði er grundvallaratriði í spilinu. Þú verður að bregðast fljótt við. Allir leikmenn spila á sama tíma. Engin þarf að bíða, svo enginn verður óþolinmóður.
Ligretto kassarnir eru til í 3 mismunandi litum (rauður, blár og grænn). Allt að 8 leikmenn geta spilað saman ef notaðir eru tveir Ligretto kassar í mismunandi litum en að 12 leikmenn ef notaðir eru allir þrír litirnir.
Guðrún Guðnadóttir –
Mjög mjög skemmtileg spil, reynir mjög mikið á heilan þar sem þu þarft að vera snöggur að hugsa. Þessi er mikið spilað á þessu heimili, lika mjög skemmtilegt þegar fleirri taka þátt. Mæli mjög mikið með þessu
Svanhildur Eva Stefánsdóttir –
Algjört kleppara spil, mikill hraði og athygli, miklu uppáhaldi hjá unglingum á heimilinu.
Ásta Eydal –
Gríðarlega skemmtilegt spil sem minnir á hraðann og athyglisgáfuna í Kleppara, mæli ekki með fyrir litblinda þó.
Katrín Helga Ágústsdóttir –
Ligretto: Blár er spil sem vinnur mikið með hraða og líkist spilinu “Kleppari”. Það skemmtilega við það er að með einum pakka geta 4 spilað í einu (en ekki bara 2 eins og í kleppara). Ef Ligretto: Rauður, og Ligretto: Grænn eru bætt við í safnið geta 12 manns spilað í einu þar sem eini munurinn á spilunum er mismunandi litur í bökunum (svo hægt sé að aðskilja stokka leikmanna eftir hverja umferð).