Konunglega skrímslafræðingafélagið telur fremstu og frægustu sérfræðinga í skrímslafræðum meðal félaga sinna. Á hverju ári er einum nýjum meðlim hleypt inn í félagið, svo umsækjendur keppast um að sýna fram á verðleika sinn með því að bæta við sýningargripum í stórkostlegan dýragarð skrímsla.
Til að koma umsækjendum af stað, þá fær hver þeirra smá framfærslu frá félaginu sem hægt er að nota til að ráða til sín fleiri sérfræðinga og fjármagna ferðalög til töfralanda þar sem stórkostlegustu skrímslin búa.
Eftir fjórar árstíðir af skrímslaveiðum, kynna verðandi meðlimir safnið sitt á árshátíð félagsins, „Skrímslakarnivalinu“ svokallaða.
Carnival of Monsters er spilað með handagangi, þar sem leikmenn reyna að safna setti af Landaspilum svo hægt sé að grípa og sýna skrýtin og framandi skrímsli, ráða hæfileikaríkt starfsfólk, og reyna að ná leynimarkmiðum sínum. Stig fást fyrir að sýna skrímsli, klára markmið, og fyrir gullkrónur sem safnast fyrir á árstíoðunum fjórum.
Við lok spilsins sigrar leikmaðurinn sem er með stórkostlegasta og gróðavænlegasta skrímslasafnið!
Umsagnir
Engar umsagnir komnar