Murder of Crows er einfalt og fljótlegt hafðu-þetta (e. take-that) spil þar sem þið keppist um að safna sex spilum sem saman stafa „M-U-R-D-E-R“. En þið þurfið að passa að andstæðingar ykkar geti ekki gert slíkt hið sama — stelið stöfunum þeirra, veitið aðgerðum þeirra viðnám, eða notið Villtu krákurnar til að hafa áhrif á morðið áður en andstæðingurinn gerir það! Á hverri stundu getur vel spilað spil breytt jafnvægi spilsins og innsiglað örlög einhvers.
Þið byrjið með 5 spil á hendi, og þegar þú átt leik þá annað hvort (a) dregur þú tvö spil eða (b) dregur eitt spil og spilar öðru út. Hvert spil hefur sérstaka eiginleika, nema að Villtu krákurnar geta gert hvað sem er:
- M: Taktu eitt spil úr morði annars leikmanns — það er að segja, spilunum fyrir framan viðkomandi — og settu þau á þína hendi.
- U: Þið þurfið öll að sýna spilin sem þið eruð með á hendi, of þú mátt taka eitt spilanna og setja á þína hendi.
- R: Dragðu eitt spil.
- D: Veldu einn staf. Þið þurfið öll að henda einum slíkum staf ef þið getið.
- E: Þið þurfið öll að henda öllum spilum af hendi og draga þrjú ný spil.
Þegar spil sem andstæðingur spilar út getur haft áhrif á þig, þá máttu setja út krákukraft af sömu gerð — sem er sýndur í efra vinstra horni spilsins — til að spilið hafi engin áhrif á þig.
Umsagnir
Engar umsagnir komnar