Spyfall 2

Spyfall er partýspil sem á sér engan líka. Einn leikmaður er njósnari og hinir eru að reyna að finna hann. Allir fá spil með stað. Staðurinn getur verið geimskip, skemmtiferðaskip, spilavíti eða háskóli. Nema njósnarinn, – hann fær bara spil sem á stendur að hann sé njósnarinn.

Leikmenn skiptast á að spyrja hvern annan spurninga í von um að finna út hver það er sem hefur enga hugmynd um staðinn sem allir eru á. Á meðan er njósnarinn að reyna að púsla saman líklegri staðsetningu miðað við spurningar og svör hinna leikmannanna.

Þetta er partýspil sem allir verða að prófa.

Spyfall 2 er eins og Spyfall, fyrir utan tvo mikilvæga hluti:

1. Það eru fleiri spil, svo núna geta 12 spilað í stað 8.
2. Það geta verið tveir njósnarar á hverjum stað, sem gerir spilið erfiðara fyrir ekki-njósnarana.

VERÐLAUN OG VIÐURKENNINGAR

• 2017 Golden Geek Best Party Game – Tilnefning